Չինաստանի արևելյան Ցզյանսու նահանգում աշխարհում առաջին անգամ մարդու` H10N3 թռչնի գրիպով վարակման դեպք է գրանցվել: Հաղորդվում է, որ Չժենցզյանի 41-ամյա բնակիչն ապրիլի վերջին ջերմություն է ունեցել, մի քանի օր անց դիմել է բժշկի: Վիճակի վատթարացման պատճառով նրան հոսպիտալացրել են: Ներկայումս առողջական վիճակը կարգավորվում է և գործնականում համապատասխանում է դուրսգրման ցուցումներին:
Հիվանդությունների վերահսկման և կանխարգելման ազգային կենտրոնը մայիսի 28-ին, անհրաժեշտ նյութերը ստանալուց հետո, հետազոտել է դրանք և պարզել, որ տղամարդը վարակվել է H10N3 վիրուսով: Նրա հետ շփում ունեցած բոլոր անձինք ներկայումս բժիշկների հսկողության ներքո են: Նրանց շրջանում վարակվածության դեպքեր դեռ չեն բացահայտվել:
Հաղորդվում է, որ H10N3-ը ծագել է թռչուններից: Գենոմի հետազոտությունը ցույց է տվել, որ վիրուսը յուրահատուկ ընդունակությամբ կարող է փոխանցվել մարդուն: Մինչ այդ` աշխարհում մարդկանց մոտ H10N3 վիրուսով վարակման դեպքեր չէին գրանցվել: Այն փոխանցվել է թռչունների միջև և ունեցել է ցածր պաթոգենություն:
