ՈՒԵՖԱ-ն հայտարարել է կորոնավիրուսի տարածման պատճառով Չեմպիոնների լիգայի և Եվրոպայի լիգայի ֆուտբոլային մրցաշարերի դադարեցման մասին:

Որոշումը վերաբերում է ՉԼ-ի՝ մարտի 17-ին և 18-ին նախատեսված և ԵԼ-ի՝ մարտի 19-ին նախատեսված խաղերին, ինչպես նաև ՈՒԵՖԱ-յի մանկապատանեկան լիգային: Հայտնի չէ, թե այդ հանդիպումները երբ կկայանան: Կազմակերպությունը չեղարկել է նաև Չեմպիոնների լիգայի 1/4 եզրափակչի վիճակահանությունը: Այն նախատեսված էր մարտի 20-ին:

ՈՒԵՖԱ-ն նախատեսում է մարտի 17-ին խորհրդակցություն անցկացնել՝ քննարկելու միության հետագա գործողությունները:

Կորոնավիրուսի տարածման պատճառով Իտալիան, Իսպանիան, Ֆրանսիան և այլ երկրներ դադարեցրել են ֆուտբոլի ներքին առաջնությունները: Հայաստանի Ֆուտբոլի ֆեդերացիայի հովանու ներքո անցկացվող բոլոր մրցաշարերը նույնպես հետաձգվել են: