Եվրոպական ֆուտբոլային ասոցիացիաների միությունը (ՈՒԵՖԱ) որոշում է կայացրել Եվրոպայի 2020թ. առաջնություն տեղափոխել հաջորդ տարի: Այն պետք է մեկնարկեր հունիսի 12-ին՝ Եվրոպայի 12 քաղաքներում, սակայն կայանալու է, հավանաբար, 2021թ. հունիսի 11-ից: Հաղորդվում է, որ ՈՒԵՖԱ-ն ակումբներից և լիգաներից փոխհատուցում է պահանջում՝ 300 մլն եվրո՝ Եվրո-2020-ը տեղափոխելու համար:

Միևնույն ժամանակ, ՈՒԵՖԱ-ն պահանջում է, որպեսզի եվրոպական բոլոր առաջնություններն ավարտվեն մինչև հունիսի 30-ը: Հայտնի է, որ Եվրո-2020-ը պատմության մեջ առաջին անգամ պետք է կայանար 2020թ. հունիսի 12-ից հուլիսի 12-ը՝ եվրոպական 12 քաղաքներում:

Ավելի վաղ հաղորդվել էր, որ ՈՒԵՖԱ-ն առաջի անգամ դադարեցրել էր Չեմպիոնների և Եվրոպայի լիգայի խաղերը, չեղարկվել էր նաև Չեմպիոնների լիգայի 1/4 եզրափակչի վիճակահանությունը, որը նախատեսված էր մարտի 20-ին: